رواية جديدة

السلام عليكم
شلونكم شخباركم ؟


حبيت احط لكم اول رواية لي واتمنى ان تعجبكم







فبخليكم









الشخصيات :


عائلة ابو جاسم :


ابو جاسم : محمد 48 سنة طويل عيونه خضرة وجسمه متوسط موضعيف ولا متين يشتغل باحد الشركات الكبيرة .


ام جاسم : هدى 46 سنة عيونها عسلية وموطويلة وجسمها بعد متوسط . وربة بيت .


جاسم الولد الاكبر 21 سنة عيونه مائلة للاخضر وشعره ناعم . طويل و ضعيف ويدرس بلندن اخر سنة له .


علي 17 سنة عيونه بنية و شعره ناعم . طويل وضعيف .


هميان 15 سنة عيونها عسلية وشعرها ناعم وطويل و ضعيفة وطولها متوسط وبيضة


نيار 14 سنة عيونها بنية وشعرها ناعم وموطويل و جسمها بالوسط وقصيرة و بشرتها متوسطة وتغار من اختها بكل شي .


عائلة ابو حسن


ابو حسن 47 طويل وعيونه بنية وجسمه متوسط ويشتغل مع اخوه محمد بالشركة .


ام حسن : 44 سنة طويلة عيونها بنية وجسمها متوسط وربة بيت .


حسن الولد الوحيد 18 سنة عيونه بنية وضعيف وطويل شوي .


سارة البت الوحيدة لهم 15 مواصفاتها نفس هميان ومقربين لبعض .


عائلة ابو ياسر


ام ياسر اخت محمد وحسن وعمرها 43 وعيونها عسلية وطولها متوسط و ضعيفة و تشتغل بالمستشفى .


ابو ياسر عمره 46 وعيونه بنية وطويل ومتين ويشتغل بالشركة مع محمد وحسن .


ياسر الولد الوحيد و عمره 16 سنة وعيونه بنية وطويل وضعيف .


نور البت الوحيدة وعمرها 13 سنة وعيونها عسلية وطويلة شوي وضعيفة وبشرتها بيضة .










البارت الأول





بالمدرسة


هميان : وه وأخيرا خلصنا الاختبارات وبنروح الثانوي


سمر ( صديقة هميان ومقربين من بعض ) : اي والله بنفتك من هاي المدرسة لوعه .. شهود ماتدرين


هميان : شنو شنو قولي قبل لااذبحج ؟


سمر : اليوم بطلع مع بدر ( بدر حبيب سمر وعمره 18 )


هميان : صج ولاتتطنزين


سمر : ايي شفيج ماامزح


هميان : مافيني شي بس منصدمة شوي اشلون وافقتين ؟


سمر : لابس كسر خاطري ووعدني مايسوي لي شي وقلت اوك موافقة بس مابتاخر وايد وقال لي اوك .


هميان : زين له الله يهنيج وياه ونجوفكم معاريس


سمر : وياج .. وانتي مابتطلعين معاه .


هميان : أكيد عمري بطلع وياه اليوم


سمر : ولاتقولين هاا وين بتروحون ؟


هميان : كوستا اللي بالسيف


سمر : زين زين انه مادري وين بنروح للحين ماقال لي .. اكي نيارو ولاتسلم بعد


هميان : خلها تولي مادري شفيها علية اليوم


راحوا يم السيارة هميان ودعت سمر وبعدين ركبت السيارة


نيار : جان ماركبتين توها الناس خب احنا حمير عندج ننطر


هميان : هيي انتي شفيج ماني اصغر عيالج اتصارخين علية


نيار : سكتي الحين لاحط حرتي فيج


هميان سكتت عنها وماتبي تتهاوش معاها


ووصلوا البيت


طبعا بيتهم نفس الفيلا ومن 3 طوابق وعندهم حديقتين وكبيرين


هميان دخلت البيت وسالت الخدامة وين امها وراحت لها


هميان حبت امها وجلست يمها .


الام : شسويتين بالاختبار ؟ انشاء الله سهل


هميان : وايد سهل اول مرة الوزارة اتجيب اختبار جدي


نيار جت لهم وحبت امها


الآم : وانتين شسويتين ؟


نيار : صعب وشكلي برسب فيه


الام : يؤؤ ليش اني قلت لج درسي عدل بس انتين الله هداج كل على النت وش اتسوين ماندري


نيار : درست بعد يما بالنت شنو يسون يدورون لهم ريل له


الام : الله يهديج


هميان : يما اليوم بطلع مع ربعي بنروح السيف اوك


الام : اوك بس موتتاخرين وخبري السايق عشان يجهز روحه


نيار : لو انه بطلع مع ربعي لا وهاي اي مايصير يما


الام : اختج غير كبيرة تعرف تتصرف


نيار :اففف وانه بعد كبيرة بس كل اتفرقون بينا


هميان : اروح انام احسن لي


هميان راحت حجرتها ومتحيرة شنو تلبس بالليل فاتصلت الي سارة


سارة : هلاا هيون


هميان : هلاافيج سويرة شخبارج


سارة : تمام اسال عنج وانتي شحالج


هميان : اوك شنو سويتين بالاختبار


سارة : حده سهل طلعت من القاعة وماحصلتج


هميان : اي مشيت بسرعة اوك سويرة طلبتج شنو البس اليوم


سارة : وين بتروحين انتين


هميان : السيف مع احمد ( احمد حبيب هميان وعمره 16)


سارة : حلفي لبسي الي اخذتينها من الستي حلوة واكيد ماراح تلبسين عباية بعد


هميان : ايي انه فكرة البسها بس مادري


سارة : لبسيها وخبريني شنو يصير بينكم


هميان : اوك باي

وسكروا من بعض وهميان طرشت الي احمد مسج ونامت
يتبع





البارت الثاني
سارة راحت الي اخوها حسن
حسن : دخلي الباب مفتوح
سارة : شدراك ان اني
حسن : توقعت بس شتبين
سارة : حبيبي حسون عمري انته فديتك ياحلى اخو بالعالم طلعني اليوم
حسن : احم احم خجلتيني
سارة : شقلت بطلعني الحين اولا
حسن : اليوم بطلع ويا ربعي خليه لبكرة
سارة : افف باجر بنروح بيت عمي
حسن : ليش بنروح ؟
سارة : سؤال غبي عازمينه له
حسن : يعنو اوك عقب بكرة بطلعج
سارة : صج حبيبي انته فديتك
حسن : في مرة قلت لج شي وماسويته
سارة : امم بصراحة لا
حسن : حسبتج بتقولين اي عشان مافي طلعة وياي يالله انقلعي خليني اقعد على النت
سارة : بل بل بطلع احسن لي
قبل لاتطلع اخذ الموسدة وفلتها على سارة
هميان قعدت من فونها وآخذته بدون ماجوف من المتصل : هلا
احمد : هلافيج عمري نايمة ؟
هميان : ها لا قصدي اي
احمد : سوري خربت نومتج حبيبتي
هميان : لاعادي أصلن كنت بقوم
احمد : اوك عيل اخليج باي
هميان : باي
بعد ماسكته اخذت لها شور وجهزت روحها وراحت الصالة ولقت امها وابوها حبت ابوها وقعدت
أبو جاسم : بطلعين ؟
هميان : اي بطلع ويا ربعي بنروح السيف ؟
ابو جاسم : اتحملي بروحج وحاسبوا من الصبيان
هميان : اوك لاتخاف السايق فوينه ؟
ابو جاسم : بغرفته قولي للخدامة اتروح اتقول له اذا بتمشين
هميان : بمشي 8 توها الناس الحين
ابو جاسم : اوك موتتاخرين
هميان : اوك 10 ونص بهالحدود بكون هون
نيار يت لهم وقعدت اطالع فاختها : الله الله كل هالتعدل وتكشخ بس لانج بتروحين السيف
هميان : كيفي انتين مالج خص فيني
ابو جاسم : بسكم كل تبون تتهاوشون !
هميان : اهي الي تبتدي مو انه
ابو جاسم : موتخلين بالج فبالها هاي ياهل ماتفهم
نيار : انه موياهلة اهي الياهل
ام جاسم : هميان يما متى الشهادة ؟
هميان : مادري والله بس يقولون الاحد او الاثنين
ام جاسم : واختج متى ؟
هميان : مادري بس احنا قبلهم بيوم
نيار : وه بفتك منج بالمدرسة ويلي بتهاوش براحتي
ام جاسم : ان تهاوشتين مع احد بجوفين شغلج بعد كانت اختج وياج اطلعج من مشاكلج الحين مافي ولاتخربين على روحج وانتين بتكوين اخر سنة لج
هميان : انه إلي بفتك منج كل معلمة ادرسني وادرسج يقولون ولايبين انكم خوات فشلتيني .
هميان رن فونها وكان احمد ردت عليه : هلاا
احمد : هلافيج اكو وصلت السيف وانتين بالبيت ؟
هميان : اوك عيل بطلع من البيت الحين وان وصلت بتصل لج
احمد : اوك بنتظرج متشوق عشان اجوفج عمري باي ... وسكراه
هميان : انه بمشي الحين يالله مع السلامة
ابو جاسم + ام جاسم : الله يسلمج تحملي بروحج
هميان : اوك لتوصون حريص
هميان راحت حجرتها أخذت أغراضها وراحت المطبخ أتخبر الخدامة عشان أتقول لسايق وطلعت هميان برا ولما جافها السايق ولما مشوا : وين ماما بتروحين ؟!
هميان : السيف وامية مرة قلت لك لاتقول لي ماما
السايق : أسف ماما !!
هميان : ياربي انت تقهم بأي لغة اقول لك لاتقول لي ماما وبعد اتقولها
السايق : اسف بس شنو اقول
هميان : باسمي هميان
السايق : اوك هميان
هميان : شغل اغاني له
السايق شغل اغاني لهميان وبعد ربع ساعة وصلت هميان السيف كانت متوترة شوي بس حاولت ماتبين توترها لحد ودخلت المجمع واتصلت الي احمد وقال لها ان اهو بالكوستا وراحت له اول ماجفت توترت اكثر وراحت له : هلاا
احمد : هلا بالقمر هلا بالزين كله فديتج هيون مالج تصيرين احلى واحلى
هميان منزلة راسها وصارت طماطية
احمد : فديت الخجولين رفعي راسج ابي اجوفج امتع عيوني فيج
هميان رفعت راسها وابتسمت له
احمد :: شنو تبين اطلب لج
هميان : الي تبيه اطلب اي شي عندي عادي
احمد : اوك من عيوني
هميان : تسلم عيونك عمري
طلب لهم كابتشينو وقعدوا يسولفون : قوم خلنا نقتر شوي
احمد : اوك اتامرين امر جم هيون عندي
هميان : امم مايندرا والله يمكن 10
احمد : بل عندي هيون وحدة نفس القمر
هميان استحت ولما كانوا بيفترون احمد يود ايدها واهي قلبها شوي ويوقف : خلنا ندخل هاي المحل يمكن منزلين شي جديد
احمد : اوك
لما دخلوا المحل عجبتها تي شيرت : حمود اشرايك بهاي حلوة له ؟
احمد : اكيد حلوة بس نفس مقاسج ؟
هميان : ايي
هميان حبت تشتر الي احمد تي شيرت وعجبتها وحدة واخذتها وراحت تدفع وعطته التي شيرت أول شي مارضى بعدين وافق وكان يبي يعطيها الفلوس بس اهي قالت له لا ماتبي
مشى الوقت عليهم بسرعة وكانت بتمشي فاتصلت الي السايق وقالت له يجي لها احمد ماكان يبيها تمشي لكن اهي قالت له ماتقدر تتاخر اكثر ولما وصل السايق اتصل لها وقبل لاتمشي : عمري خلج شوي عاد
هميان : ودي اقعد وياك بس ماقدر .. عطته بوسه ورد عطاها بوسة .. باي .....ومشت
واتصل لربعة يسألهم وين اهم وراح لهم بعد ماراح لهم قعد وياهم شوي ولما كان بيمشي جت لهم بنية وكلهم انصدموا

ثانكس على الموضوع

جزاك الله خيراا

بارك الله فيك