انت محتاج ربنا قد ايه؟؟؟؟؟؟؟؟؟؟؟؟؟؟؟؟

السلام عليكم ورحمة الله وبركاته



لو حسيت انت..........لو حسيتى انتى................محتاجين لربنا قد ايه....؟؟؟؟كل حاجة فيكم حتتغير........حياتكم حتتقلب .........احوالكم حتتصلح



فكر معايا كدة..........لما تدخل الامتحان وتخرج تحس ان حلك مش تمام ...تفتح كتابك...تراجع اجاباتك....وتعرف انك غلطت فى الاجابة...
رد على سؤالى.....
ايه قيمة انك تعرف الصح بعد ما يفوت الأوان؟؟؟؟

ايه قيمة انك تعوذ تصلح الخطأ بعد ما تروح الفرصة من بين ايديك؟؟؟؟؟


ايه قيمة انك تندم على اخطائك يوم الحساب..........بعد ما تموت...........وانت واقف بين ايدين ربنا سبحانه وتعالى



اسأل نفسك سؤال؟؟؟؟

انت تساوى ايه عند ربنا؟؟؟

الفرصة لسة قدامنا نغير قلوبنا و نصلح نفوسنا ......بعد 60،70سنة ....يمكن اقل ...يمكن اكتر.......حنكون فين؟؟؟

فى التراب................فى القبر

يااما حفرة من نار..........والعياذ بالله
يااما روضة من رياض الجنة.........

اللى قبلنا راحوا فين؟؟؟؟؟؟؟؟؟وحالهم ايه؟؟؟؟؟؟؟؟؟؟؟

اسأل نفسك....
كام واحد منك لو موجود فى الدنيا الاسلام يقوم فى الامة......؟؟؟

ياترى....
انت تساوى اي........؟!

تساوى امة ........زى سيدنا ابراهيم
ولا تساوى الف ..........زى الاربعة اللى سيدنا عمر بعتهم لعمرو ابن العاص فى فتح مصر وقاله دول اربعة الواحد بألف
ولا تساوى عشرة.......زى اللى ربنا ذكرهم فى سورة الانفال(ان يكن منكم عشرون صابرون يغلبوا مئتين)
ولا تساوى ايه............!!!


ولا انت غثاء
كغثاء السيل............فقاقيع.........الفقاعة تلاقيها منفوخة على الفاضى
زى نفخة بعض المسلمين دلوقتى.......(النفخة الكدابة ومن جواها هواء)
الفقاعة لما تفرقع بتعمل صوت...........بس صوت من غير حقيقة.......الفقاعات متناثرة ومتفرقة
زى حال امتنا دلوقت.....امة ممزقة..............امة متفرقة.........ومتباعدة عن بعضها......وشباب تايه.....

تساوى ايه انت..........او انتى...؟؟؟
توزن عند ربنا ايه.....؟؟؟؟؟؟؟؟؟توزنى عند ربنا ايه............؟؟؟؟؟؟؟؟؟
عارف....................عارفة
قلبك


قلبك هو الطريق ان يبقالك قيمة عند ربنا
احساسك
انا محتجلك يارب...............انا محتجالك يارب
لو دخل قلبك الشعور ده ربنا حيغير كل حاجة فى حياتك.........حيبقى لحياتك معنى وقيمة و شكل تانى

لو حسيت قد ايه انك محتاج ربنا...........حتنزل فى عز البرد تصلى الفجر
لوحسيتى قد ايه انتى محتاجة ربنا........حتلبسى حجاب شرعى وملابس واسعة
لو حسيت قد ايه محتاج ربنا..........كنت تغض بصرك وتمنعه يزوغ على اللى رايحة وجاية
لوحسيتى قد ايه انتى محتاجة لربنا ..........كنتى تمنعى المكياج والبرفان اللى بيطردوكى من رحمة ربنا

احنا محتاجين لربنا...اكتر من الهواء اللى بنتنفسه

كام واحد دكتور اتعين فى الجامعة وخد دكتوراه وفتح عيادة ولا حد عبره......وواحد فتح وحدة صحية فى مكان بسيط
مش عارف يروح بيته من الزحمة عنده

كام بنت فيها جمال وغنى ونسب ودين وتأخرت فى زواجها .....او اتجوزت وفشلت

كام واحد عايش فى برج عالى وفخم سعيد.........وكام واحد عايش فى مكان بسيط على قده وسعيد

الذكاء مش حيديك 1%سعادة زيادة
الجمال مش حيديكى 1% سعادة زيادة
مالك........مركزك..........اهلك.........مش حيدوك احتمال 1%سعادة زيادة

السعادة دى حاجة على حسب علاقتك بربنا سبحانه وتعالى
راضى عنك ....ولا لأ

اقرأ قوله تعالى(ليس لها من دون الله كاشفا)

عارفين حكاية جحا والحمار.....لما خرج جحا للسوق وقابله صاحبه وسأله رايح فين يا جحا ..رد جحا رايح اشترى حمار
صاحبه قاله قول ان شاء الله....رد جحا وقال ليه الفلوس فى جيبى والحمار فى السوق.....ولما راح السوق لقى الفلوس اتسرقت....رجع لبيته...وقابله صاحبه وسأله فين الحمار يا جحا.........رد جحا الفلوس اتسرقت ان شاء الله
.................................................. .............
ضحكت على جحا
بنضحك على جحا ليه............احنا كلنا بنعمل زى جحا
كلنا بنبقى جحا لما بنملك الاسباب
لكن لازم نعرف ان اعظم الاسباب ممكن ما يكونش له اى نتيجة..
عارف ليه؟؟
لأن قدرة ربنا فوق كل الاسباب
مرة طيارة كانت طايرة فوق جبال الالب المغطاة بالجليد بارتفاع 43الف قدم ...الطيارة انفجرت وانشقت نصفين
كل اللى فيها ماتوا ......واحد كان قاعد على مكان الشق ...لما انشقت وقع من الطيارة على الجليد....وقع واقف على رجليه ....ولا اى حاجة حصلت له ..........ولا كسر ....ولا خدش
قدرة ربنا فوق الاسباب
ومرة واحد شرق وهو بيشرب ....مات
اعظم الاسباب ممكن ما يجيبش نتيجة
واتفه الاسباب ممكن يجيب نتيجة....
....................
لما تدخل صيدلية تجيب دواء .......تلاقى الصيدلى عينه حمراء وماسك منديل وحالته حاله....ووراه ميت دواء لعلاج البرد......سبحان الله مسبب الاسباب

ليه غالبا الطبيب اللى بيتخصص فى حاجة بيموت بيها...؟؟؟
استاذ القلب يموت بالقلب......دكتور جهاز هضمى يموت بسرطان معدة........دكتور كبد يموت بسرطان كبد
ربنا يعافينا جميعا ويعافى كل المسلمين
سبحان الله.....ربنا بيقولنا حاجة............
بيقولنا انا قادر.........والانسان مهما وصل للاسباب غير قادر على اى شيء

فكر معايا كدة...
ربنا بيدى الامة اسباب وراء اسباب.....والامة زى ما هى .....تحت.......ما بتترفعش........ليه؟؟؟؟
لأن ربنا بيربينا .......بيأدبنا..........علشان نسيينه فى زحمة دنيتنا
خدوا بترول ...واقتصاد ....والفقر بيزيد
خدوا شهادات.........ومراكز.........والهم بيزيد
خدوا جمال بزيادة...........والعنوسة بتزيد
خدوا اللى انتم عاوزينه...........والمشاكل حتزيد
ليه......؟؟
لانكم بعيد عنى ..........تعالولى .........انا بس اللى اقدر افرج همكم وكربكم
لكن الاسباب ما تقدرش تعملكم اى حاجة
الاسباب زى الاصفار.......لو معاك مليون صفر...........مالهمش اى قيمة
ومعية الله عاملة زى الواحد..........لما الواحد ييجى كل صفر بيبقى له قيمة
طالب الثانوية العامة .....هو واهله بيعملوا الف حساب لنصف درجة زيادة......لانها حتحدد مستقبله..زى ما بيقولوا
لو تعرفوا..........
الف طالب جاب مجموع كبير وعاش تعيس
الف طالب جاب مجموع كبير وعاش فاشل
الف طالب جاب مجموع كبير وعاش مريض
الف طالب جاب مجموع كبير وعاش عالة
النصف درجة مش حتحدد مستقبلك..........علاقتك بالله هى اللى حتحدد مستقبلك
مهما الانسان كان متفوق من غير ربنا فاشل
انت مش محتاج اسباب ....انت محتاج لربنا......لأن لو ربنا ما رضاش عنك عمرك ما حتعيش سعيد
حتى لو طلعت الاول على العالم كله
الاسباب بيبقى لها قيمة لما ربنا يكون معانا
الاسباب اللى بنضيع عمرنا وراها وفيها واتخنقنا بيها........نجرى نجرى نجرى ونمسك السبب فى ايدينا.....نلا قيه سراب
ونفضل نجرى وراء الاسباب مع اننا عارفين انها سراب...........وننسى رب الاسباب
اعرف نفسك....شوف الاية بتقول ايه(لئن لم يهدنى ربى لأكونن من الضالين)
انت من غير ربنا عاجز .....فاشل............تايه............ضايع
انت من غير ربنا ولا حاجة
سيدنا موسى يقول (ربى انى لما انزلت الى من خير فقير)
امريكا لما اتمنع عنها البترول سنة 73 انشلت هى واوربا
طب لو ربنا سبحانه وتعالى منع عنك عطاؤه يحصلك ايه...!!
انت من غير ربنا مشلول .........هالك .......ولا حتفلح فى حياتك
عارف الآذان.........بتسمعه 5 مرات فى اليوم ....حى على الفلاح....حى على الفلاح
يعنى ايه؟؟ فكرت فيها
لما اقولك التفاح فى السوق.............ما تروحش النادى تشتريه
ربنا بيقولك...الفلاح عندى ..النجاح معايا...فى مسجدى ...فى الصلاة لية....فى عبادتى.......فى ذكرى...
مهما كان معاك ...وسامة....مال....شهادة....منصب.....نسب....ولا حاجة من غير ربنا
اوعى تفتكر ان حد بيملك رزقك...اجلك....جوازك...ضرك...نفعك.....نجاحك....حيا تك
كل ده عند ربنا.....ربنا وحده
اقرأ الآية ( وان من شيء الا عندنا خزائنه )صدق الله العظيم
البشر عاملين زى مجموعة شحاتين بيجروا لباب واحد غنى مجموعة سبقت للغنى فاداهم فلوس كتير ونعم كتير
ومشيوا فقابلتهم المجموعة اللى اتأخرت ..افتكروهم هما الاغنياء ....وبدأوا يشحتوا منهم .......والاتنين شحاتين
واخدين من الغنى..............واخدين من ربنا
لله المثل الاعلى
زى صراف بنك وراه ملا يين ....ياخد فلوس ويدى فلوس وهو مرتبه 200جنيه ..زما عندوش حاجة اصلا ....كل ده مش ملكه .....ولا فى امكانياته..........ولا يقدر عليه
ليه تقف على باب المخلوق..........ليه تفتقر للفقير
عاوزين نعرف ربنا
عاوزين ما نروحش لمن لا يملك علشان يدينا اسباب .....ولما نكون معانا نبقى زى جحا
اوعى تدور على حاجة تحت.....دور فوق...عند ربنا....فى خزائنه
علقوا قلوبكم بمنابع التقسيم.....عند ربنا...مش بمراكز التسليم....عند البشر
ربنا بيقولك تعالى........عندى حل لكل مشاكل حياتك
واقف ليه .........!!!.بتفكر فى ايه..........!!!بتحسب ايه.............!!
ربنا مافيش غيره............مافيش غير بابه..............مافيش قبله ولا بعده........هو الاول والآخر فى حياتنا
طول ما انت مع ربنا مش حيسيبك
ربنا قادر يعطل الاسباب...( يا حى يا قيوم برحمتك نستغيث اصلح لى شأنى كله )
انظر الى قوله تعالى فى الحديث القدسى( يا عبادى كلكم ضال الا من هديته....فاستهدونى اهدكم, يا عبادى كلكم جائع الا من اطعمته....فاستطعمونى اطعمكم, يا عبادى كلكم عارى الا من كسوته....فاستكسونى اكسيكم )

انظر فى كتاب الله وآياته كل آية بها لولا يأتى بعدها نعمة..........وبعد كل كلمة فقر ييجى الفرج

(ربى انى لما انزلت الى من خير فقير)
قالها موسى عندما ضاقت الدنيا امامه....فارسل له الله الطعام و السكن و الزوجة والمأمن والعمل والأجر
كل ما الاحساس بالفقر لربنا بييجى كرم ربنا.....على قد ما انت محتاج لربنا ربنا حيديك
تعرف ليه المريض ربنا بيكون عنده ومعاه....لانه محتاج لربنا فربنا يرفعه لمقام المعية
الافتقار لله
انك تبقى عارف ان ربنا وحده عنده حلول مشاكلك ...سكنك...زواجك...غناك.....ولادك.....كل حاجة..زعند ربنا
وحده لا شريك له
(يا ايها الناس انتم الفقراء الى الله والله هو الغنى الحميد)
الطالب اللى بيذاكر للامتحان ولا ينزلش للصلاة فى الجامع .........مستغنى عن ربنا.....نجاحك فى ايده وحده مش بالمذاكرة لوحدها.......ربنا بيبارك فى المذاكرة فتنجح
الاب اللى ابنه عيان .......يسيب الصلاة والدعاء ويجرى للدكتور.........مستغنى عن ربنا......ربنا هو اللى بيلهم الدكتور بالعلاج وبيدى الاذن للدواء بالشفاء
ليه كلنا بنجرى وراء الاسباب وننسى رب الاسباب
دى جريمة........اكبر الكبائر.........انك تعتقد انك مش محتاج لربنا.........افعالك بتقول كدة
انك تعيش فى الدنيا مستغنى عن انك تقول يارب..........عن انك ترفع ايديك وتطلب من ربنا ..ز
انظر قوله تعالى( الذى خلقنى فهو يهدينى ,والذى هو يطعمنى ويسقينى, واذا مرضت فهو يشفينى, والذى يميتنى ثم يحيينى, والذى اطمع ان يغفر لى خطيئتى يوم الدين) صدق الله العظيم
اعلم
ان فى القلب طاقة لا يسدها ولا يصرفها الا الافتقار الى الله ولو اجتمعت اسباب الدنيا كلها لم تغنى عن ذلك
ان فى القلب خوف لا يزيله الا تعلق القلب بالله......ان فى القلب حزن لا يزيله الا حسن الظن بالله
فكر كده معايا..............
لو نعمة واحدة زالت من عندك .....تعمل ايه؟؟!!
غمض عنيك يوم واتحرك...اقعدعلى كرسى يوم وشوف حتعمل ايه......احمد ربنا على نعمه عليك
وحس...................من غير ربنا حتعمل ايه؟؟!!
اقرأ هذة الكلمات...............اشعر بها...........حسها فى حياتك
انا الفقير الذى اغنيته....فلك الحمد
انا الضعيف الذى قويته ....فلك الحمد
انا الضال الذى هديته....فلك الحمد
انا االتائه الذى ارشدته ....فلك الحمد
انا المسكين الذى اطعمته ....فلك الحمد
انا العار الذى كسوته....فلك الحمد
انا الظامئ الذى سقيته ....فلك الحمد

انا ما كنتش حاجة من غيرك يا رب

كلمة يا رب لازم تكون منهج حياتك

الماء يفتقر الى الله فى الرواء...........الدواء بيفتقر الى الله فى الشفاء
وانت بتفتقر الى الله فى كل لحظة فى حياتك
يارب
ارفع ايدك وعيش بيها
يارب
لازمة على لسانك فى كل احوالك......لعله فى ساعة استجابة يستجاب لك

يا طلاب الدنيا ما لكوش غير ربنا
يا طلاب العلم مش حتتعلموا الا لما يفتح ربنا عليكم
يا طلاب الدين مش حتدعوا الا لما ييسر ربنا عليكم
يا طلاب العبادة مش حتعرفوا تعبوده الا لو فتح عليكم
يا طلاب الهداية مش حتتهدى الا لو فتح ربنا عليك

قول يارب

كلنا فقراء لله مهما كان غنانا
اعظم باب تدخل بيه على الله باب الافلاس
كلنا فقراء لله .....لنعمه.....لرحمته......لعطاؤه
اسأل نفسك ....ليه ربنا ما قلناش على ساعة الاجابة يوم الجمعة؟؟ليه ربنا ما عرفناش ليلة القدر امتى؟؟
علشان نفضل رافعين ايدينا وقلوبنا متعلقة بربنا .....علشان نقول يا رب
مالناش غنى عنك يارب
عارف اول كلمة بيقولها اهل الجنة ايه..........الحمد لله الذى هدانا
ياترى حسينا قد ايه احنا محتاجين لربنا

..................................


عن خطبة للدكتور حازم شومان شفاه الله تعالى ونفعنا به

مشكور جداااااا