شرح شخصيات اللعبه 2

بسم الله الرحمن الرحيم


سنضع هنا بأذن الله كل المعلومات التي تخص Fire Taoists

http://images.91.com/conquer91e/2007/10/22/co800_w18s0o66762542.jpgتعريف بالشخصيه :

يعتبر دائما ان السحره مختلفون عن باقي الافراد او الشخصيات الموجوده لما يتميزوه من قدرات خارقه تفوقهم عن باقي الشخصيات الاخري وكما هو في الحقيقه اننا نري الساحر قوته الجسمانيه ضعيفه فأن ايضا السحره في لعبتنا ايضا يعيبه قوته الجسمانيه
وكما يقال دائما ان السحره هم الشخصيات اصحاب المعجزات
لذلك نجد معهم سكلات فريده وغريبه وغير موجوده في الشخصيات الاخري
وسوف نقوم بشرح هذه المميزات في وقتها


مميزات الشخصيه :

1- لديه مساحه كبيره من مدي الضربه
2- لديه قوه تدميره كبيره بواسطه الماجيك
3- الشخصيه الوحيده التي يمكن ان تلفف نفسها بنفسها وده لازم لأنه لما بيكبر صعب يدخل تيمات
4- الشخصيه الوحيده اللي بتضرب الارشر وهو طاير :53:
5- والكثير والكثير بس ده حيبقي في الملاحظات الاخيره :whistle:

عيوب الشخصيه :

1- دمه صغير يعني انا لفل 114 ودمي 2500 يعني ممكن لو تروجان عالي يجيبني ون هيت (( بس الكلام ده لو عرف يجيبني اصلا :glasses: ))
2-الديفنس بتاعه مش عالي اوي يعني ممكن تتأثر من وحوش ملهاش لزمه بحاجات عاليه (( يعني انا بتأثر من البيرد ب 199 وانا لفل 114 ممكن تروحان او وروير لفل 90 يتأثر اقل من كده ))
3- وده اوحش عيب انه اصعب شخصيه في اللفلفه من الاخر لو معكش ارشر جامد حيطلع عينك زيي (( بس لما بتكبر واستفك يكون جامد كله بيحترمك لأن الماجيك اتاك بيكون رهيب ))

ودي كل عيوب الشخصيه



امابقي الاسكلات دي شكلها :
وحشرح لكم كل واحده علي حده


https://2img.net/r/ihimizer/img337/3922/skillszv4.jpg

1 دي الفونكس ودي مش بتاعت الفاير دي بتاعت التروجان وانا عملتها عندي بس بصراحه ملهاش لزمه

2 / 6 دي مش سكلات دي طرق مختلفه للرقص من الاخر منزره :glasses:

3 دي الفاست بليد وبرضه دي بتاعت التروجان ودي انا جايبها عشان لما اضرب بالسيف يبقي ليه شكل كويس

4 دي سكين سورد ودي اللي بتطلع سيوف طويله وبتضرب بالمانه وبرضه منزره

https://2img.net/r/ihimizer/img100/7051/ssbj3.jpg

5 دي السكله اللي بتخليك تملي الماجيك


7 دي الفاير اوف هيل - fire of hell - ودي اسكله جامده جدااا ودي بتضرب جماعي هي قبل ما تتلفف مش جمده اوي لأنها مش بتضرب وحوش كتير لكن لما بتتفكسد بضرب وحوش كتير جدا و هي تعتبر اقل الضربات قوه لكن بتتضرب بسرعه جدا ومشكلتها انها بتسحب ماجيك كتير
وتستخدم في اللفلفه حلوه اوي

https://2img.net/r/ihimizer/img235/2857/fohjd0.jpg

8 دي البومب ودي من اقوي الاسكلات و بتسنخدم في البي كي و دي ميزتها اتها بتثبت الشخص اللي قدامك ده طبعا غير قوتها الكبيره

https://2img.net/r/ihimizer/img235/2750/bombky5.jpg


9 ودي بقي الكبيره التورنيدو السلاح الاساسي للفاير ودي تتماز بالسرعه الرهيبه بتنزل ورا بعض بسرعه كبيره وكمان الدمجج بتاعها عالي
بس صعبه مووووووووووووت في اللفلفله بتعتها طلعت عين اهلي

https://2img.net/r/ihimizer/img235/4704/tornyt6.jpg


10 الفاير ميتور ودي ضربه في اول كام لفل فيها وحشه جدا لأنها دائما ما بتنزل بصفار وممله في لفلتها لكن بعد كده ملهااش حل بتنزل بأرقام رهيبه وتعتبر اقوي ضربه للفاير ولما بتتفكسد ومش بتنزل بصفار غير نادرا

https://2img.net/r/ihimizer/img235/2096/fmitorve2.jpg

11 فاير بال ودي زي اللي قبلها بس بطلع من الايد لكن التانيه بتنزل من السما وبرضه ساعات بتيجي بصفار وبرضه لما بتلفلف بتبقي رهيبه

https://2img.net/r/ihimizer/img235/622/fballac1.jpg

12/14 ودول طبعا الفاير بتاعت النوبس ودول طبعا عمر ما حد بيستخدمهم ألأ لما يكون نوب وخلوا بالكوا مش حنخدوا الحمرا الأ لما تفكسدوا الزرقا ومش حتخدوا التورنيدو الأ لما تفكسدوا الحمرا

https://2img.net/r/ihimizer/img235/4913/firehu2.jpg


13 وي سكله الهيلث اللي بتزود الهيلث لما الواحد يتضرب

15 ودي اسكله الضرب الجماعي ودي بقي سر الفاير طبعا دي بتساعد الفاير في اللفلفه سواء في التمرين وحذكر بعد كده ازاي حتساعد في اللفلفه في التمرين دي غير انها بتساعد علي اللفلفه في وسط الوحوش وكمان بتساعد انك تعمل تيم وتلفل النوبات كمان

https://2img.net/r/ihimizer/img235/651/infrofn0.jpg


ده بالنسبه للسكلات واتمني اني ما كونش قصرت فيها


اما بالنسبه للفلفه :

طبعا في مكان حتفضل تتلفلف فيه لحد ما تزهق يعني لفل 85 والمكان دا هو ارض الماجيكات *

ولو ملقتش تيم هناك فأمشي زي ما حقولك *

اول لفلات خدها في البيرد لحد ما توصل لفل 60 او 70 وبعد كده محدش حيرضي يدخلك في تيم هناك او من الاخر انت مش حتفلفلف هناك كويس
بعد كده تروح عالماجيكات او تروح عند التومب بات اللي في الفونكس وتضرب هناك حتسفيد حجتين الاول انك حتلفلف الفاير عشان تاخد التورنيدو وثانيا حتفلف هناك لأن دي وحوش كبيره وحتديك pc كويس واي
وبعد كده من اول لفل 90 حتبدي تلفلف نفسك بنفسك عند الوحوش اللي اسمها ابيض

ودي حتعرفها من هنا

https://2img.net/r/ihimizer/img155/6403/infotj8.jpg

1 ده مكان اللي انت تتلفلف فيه بأسم المكان واسم الوحش

2 ده اقرب حاجه حتعملها - يعني حتعلي ايه او حتترقي او كده -

3 ده المكان اللي تلفلف فيه اسكلاتك

* وغير كده وكده انت ممكن تسيبه في التدريب طول ما انت نايم ويسلام ولو انت معاك جيمات للفلفه حتزيد حلو اوي وده عن طريق اسكله الضرب الجماعي وتحطه في وسط اكبر عدد من العصيان عشان تتلفلف بسرعه



معلش انا عارف ان الفاير صعب في لفللته بس بصراحه رهيب


اما بالنسبه للأستف هو بيختلف من سرفر لأخر بس دائما بيكون اسعاره متوسطه مش غاليه زي الارشر ولا رخيصه موووووووت زي الورير

حقول لكم حاجات من التجربه :

ما ينفعش الفاير انه يعمل اي Quest - مهمه - لأن وحوش المهمات بيبقوا اقويا جدا وكمان بيضربوا attack والديفنس بتاعت الفاير مش اوي

من افضل الشخصيات في ال guild war

الفاير الشخصيه الوحيده اللي تقدر تضرب الارشر وهو طاير

الفاير الشخصيه الوحيده اللي يقدر يضرب من بعيد - بعيدا عن الارشر لأن الارشر مش بيضرب في البي كي لأنه ضعيف جداااا - يعني من الاخر انت في البي كي اقعد اتنطط واضرب وخالي التروجان يموت من الغيظ ده غير انك الفاير بيأثر علي التروجان جامد جداااا

الفاير بيبقي معاه ماجيك كتير جدااا اما الHP فبيكون قليل يعني انا لفل 114 ودمي 2500 اي نعم من الصعب اني اموت من ضربه وحده من الاكونتات العاديه لكن لو تروجان 130 اخري ضربه وحده بس

بعد الريبورن بيبقي اقوي شخصيه في اللعبه لأن دمه بيوصل 7000 يعني من الاخر اتخن طخين في الللعبه ميعرفش يعمل حاجه معاك ده غير ان الديفنس بيزيد النص ده غير انه بياخد اسكله ملهاش حل بتخلي الارشر ملوش لزمه والاسكله دي عمله زي البيضه وبتوزعها علي اي حد او علي نفسك ولما الارشر يضرب عليك الضربه متجيش فيك :glasses:


معلش انا تعتبت والله بس ده تقريبا كل اللي فدماغي حاليا واي استفسار
انا تحت امركم واي خدمه انا تحت الامر


قام بكتابه و وضع هذا الموضوع

الاخ العزيز( monous2010 )

نرجو له الدعاء بالتوفيق و النجاح فى الامتحانات

يتبع
yahiatito
23-12-2007, 07:14 PM
بسم الله الرحمن الرحيم

هنا هاكتب المعلومات الاسايه عن التروجان
بس ياجماعه انا اصلا مش بلعب بتروجان انا بلعب بارشر والتروجان دا نوب فياريت لو قصرت فى حاجه الناس ترد عليا


https://2img.net/r/ihimizer/img126/1493/trojanmj1.jpg


بالنسبه للتروجان
التروجان هو اقوى شخصيات اللعبه على الاطلاق
فلديه اعلى HP فى اللعبه واعلى attak ايضا
التروجان ليس لديه اسكيلات غير ال Hercules وال Spirit healing
فعلا اسكيلات قليله لكن التروجان اصلا مش محتاج الاسكيلات دى لأن من ضربه واحده التروجان يموت شخصيه اى نوع تانى نفس لفله
مميزات الشخصيه
زى ماقلنا اعلى Hp اللى هيا الطاقه واعلى Attak اللى هوا الهجوم
عيوب الشخصيه
العيب الوحيد فى التروجان ان مابيضربش من بعيد
يعنى لازم تضرب اى وحش وانت جنبه ولو بتضرب لاعب تانى لازم تكون جنبه
الترقيات
نفس المكان اللى بيترقى فيه الارشر بس بتروح لواحده اسمها Trojan master

*** الاسكيلات *****

https://2img.net/r/ihimizer/img20/9015/skillzhp3.jpg
1- Rage ودى سكيل ال club ودى الاسكيل اللى بتلفلك بسرعه بتخليك تضرب الوحوش اللى حواليك فى دايره
2 – Phoenix ودى اقوى اسكيل للتروجان بياخدها لما يستخدم sword اللى هوا السيف
ودى اقوى اسكيل للتروجان لما تتلفل وهى 9 مستويات وهى الاسكيل اللى بنشوفها سيف نازل من السما
3- Scent sword ودى اسكيل زى الفاست بليد كدا بس للسيف بس
4- fast blade ودى تانى اقوى اسكيل هى جامده للناس اللى لفل قليل لغاية لفل 70 مثلا لكن بعد كدا السيف احسن علشان سكيل الفونكس
5- Spirit healing ودى بتزود طاقتك لما تقل شويه
6- Hercules ودى بتستخدمها لما تكون ماسك سلاحين من نفس النوع مثلا 2 club او الاتنين سيوف
ودى اسكيل مش جامده بس بتستخدمها لو فى فاير او ارشر بيضربك وبيجرى فانت بتستخدمها لانها بتضرب فى دايره حواليك وسريعه
7 – دى اسكيل بتضرب لوحدها يعنى مالهاش فايده

نيجى لموضوع اللفلفه
__________________


انت اول ماهاتبدأ الاكونت فى الاول خالص وتروح التوين سيتى هاتروح لواحده على باب المدينه اسمها conductress
https://2img.net/r/ihimizer/img147/7883/14363049qf0.gif
البنت دى هى اللى بتنقلك من مدينه لمدينه لما تضغط عليها هاتكتبلك اسم المدينه هتختار منها bird island
هتلاقى نفسك رحت مكان تانى وقدامك دوامه ادخل فيها هدخل مدينه تانيه اسمها bird island
فى عندك فوق على الشمال فى اللعبه خريطه وعليها علامة x هو دا مكانك فانت هتمشى على الخريطه لغاية ماتروح المدينه
لما تدخل المدينه تستنى شويه هتلاقى ناس ماسكين قوس بينور لو لقيت واحد على راسه نجمه تضغط عندك على كلمة team وتختار join وتضغط على اللى على راسه النجمه ودا بيبقى قائد التيم

https://2img.net/r/ihimizer/img252/7048/123bt2.gif

لو رضى يدخلك معاه فى التيم تفضل ماشى جنبه هايخرج بالتيم كله ويروح يموت الوحوش
هاتقولى وانا هاعمل ايه ؟ قولك ولا حاجه ، انت بس هاتفضل ماشى جنبه كل ماهو يموت وحوش انت هتاخد اكس بى زياده يعنى هايزودك لفلات بس بشرط انك تفضل ماشى جنبه وماتخليش الوحوش تلمسك
فى اول يوم ممكن تعمل لفل 20 او 30 او 40 على حسب حظك وعلى حسب صبرك فى اللعبه .
تانى يوم هاتعمل نفس الحكايه وتدخل فى تيم وتفضل ماشى على النظام دا لغااااااااااية ماتوصل لفل 70
انا عارف ان دى حاجه تخنق لكن اللعب هتبدأ تستمتع بيه بعد لفل 70 .
من بعد لفل 70 هاتبدأ تعتمد على نفسك ومش هاتدخل تيمات لان الاكس بى اللى هتاخدها بنفسك بعد لفل 70 هتكون اعلى من التيم
من لفل 70 هاتروح تلفل نفسك فى مدينه اسمها Desert city هتلاقى وحوش هناك اسمها مكتوب بالابيض مالكش دعوه بيها انت احسن حاجه ليك تضرب فى الوحوش اللى اسمها مكتوب بالاحمر دلوقت
وهى دى الوحوش واللفل بتاعها
http://conqueronline.com/guide/monsters/monsters4.shtml


تفضل تلفل فى الديزرت سيتى لغااية لفل 85
وانت بتموت الوحوش هاتقع حاجات كتير على الارض وفلوس روح خدها
لما تكون مبلغ كويس تروح الماركت تشترى سلاح اليت ولبس اليت


احلى سلاح للتروجان فى الفل دا اسمه club لأن السلاح دا فى سكيل اسمها Rage ودى بتخليك تضرب الوحوش اللى حواليك كلها فبتزود سرعة اللفل
لما تجيب لبس اليت وسلاح او اتنين اليت او على الاقل واحد اليت والتانى يونيك هاتروح على البيرد تانى بس المره دى مش علشان التيم لأ علشان تلفل نفسك فى الوحوش اللى هناك
وفى البيرد تضرب الوحوش اللى اسمها بالاحمر علشان ماتموتش وشوف بيضربوك بكام لو بيعملوا عليك اكتر من 40 يبقى لازم تظبط اللبس بتاعك ولازم تزود الديفنس
وهى دى وحوش البيرد
http://conqueronline.com/guide/monsters/monsters5.shtml

*** ازاى تزود الديفنس؟
الحاجات اللى مسؤله عن الديفنس ((الدفاع يعنى )) هى :- Coronet _ Necklace _ Armor
لو الوحوش بيضربوك ضربه جامده يبقى لازم تزود الحاجات دى
نرجع تانى للفلفه
هاتفضل تضرب فى الوحوش اللى فى البيرد وكل ماتزيد فى اللفل تروح تضرب وحوش اعلى
لغاية لفل 100
من لفل 100 هاتكون اتعرفت على ناس كتير وياريت تتعرف على ارشرات لفل عالى لانك بعد لفل 100 هتحتاج فى بى
لما توصل لفل 100 هاتكون ظبطي استفتك كلها اليت على الاقل زى التروجان بتاعى مع انه نوب بس لابس كله اليت
هتروح البيرد وتعمل انت تيم وتدخل معاك ارشر جامد ونوبات علشان تاخد الفى بى لغاية مايبقى معاك 2000 فى بى
وهنا هاتدخل حاجه اسمها اللاب وتعيش فيها لغاية لفل 115 ودى الوحوش اللى هاتضربها فى اللاب
http://conqueronline.com/guide/monsters/monsters12.shtml

وكفايه كدا لانى لسه لفل 105 : P دى الطريقه اللى وصلت بيها لفل 105 بسهوله لان دا تروجان نوب والارشر بتاعى 110 بالعب بيه اكتر
والاخ يحيى هايعمل موضوع عن الارشرات وياريت لو حد ووتر تاويست يعمل موضوع عنه هنا
وكذلك الفاير والوورير
وبالليل او بكره هاكتب ازاى تعمل فلوس فى اللعبه وتظبط الاستف بتاعك

وهنا نيجى لحاجه تانيه مهمه وهى ترقية اللبس
دى اهم الحاجات اللى بتزودها للتروجان

1 - الكورونت ودا التاج بتاع التروجان ومسؤل عن الديفنس
http://conqueronline.com/guide/items/coronets.shtml

2- اللبس وهو مسؤل عن الديفنس والماجيك ديفنس
http://conqueronline.com/guide/items/mails.shtml
3- الخاتم وهو مسؤل عن قوة الضربه بيزودها
http://conqueronline.com/guide/items/heavyrings.shtml
وخد بالك ان التروجان بيلبس Heavy ring
3- النكلاس ودى علشان الديفنس كمان
http://conqueronline.com/guide/items/necklaces.shtml
4- البوت ودى بتفيدك لو ارشر بيضربك
http://conqueronline.com/guide/items/boots.shtml


وبكدا اكون قلت كل اللى فاكره فى التروجان
ولو حد عنده سؤال يقولى انا موجود
وشكرا جزيلا لحضرات الساده المشاهدين والقناه الثانيه تتمنى لكم سهره كويسه :2:

قام بكتابه و وضع هذا الموضوع

الاخ العزيز( elewa50 )

نرجو الدعاء له بالتوفيق و الى الامام دائما
yahiatito
23-12-2007, 07:19 PM
بسم الله الرحمن الرحيم

فى هذا الموضوع سيتم توضيح كل شىء يخص الاشر

https://2img.net/r/ihimizer/img132/2152/73640561al6.jpg

الاشر يعتبر من اقوى الشخصيات التى تتميز باضرب من على بعد بأستخدام

النبلة و الاسهم و هوا دا سلاحهم الاساسى ويمتاز الاشر ببعض الاسكلات

القوية مثل الطيران و الرابيد فاير و يمتاز الاشر عن باقى الشخصيات

بالدفاع ضد الماجيك و هو اعلى دفاع من ضمن جميع الشخصيات

و هو اكتر شخصية ممكن تجمع بيها فلوس.



مميزات الاشر


1)القدرة على ضرب الوحوش بالنبله و الاسهم

2)القدر على ضرب اكتر من وحش فى وقت واحد باستخدام اسكيل الاسكاتر

3)الشخصية الوحيد الى بتقدر تطيير

الترقيات بتاعته

بنروح عند مكان اسمه ال JobCenter ودا هنلاقيه فى ال TwinCity

و بندخله من الدوامة دى

https://2img.net/r/ihimizer/img140/8282/96447412zh8.png

و دا الراجل الى بنترقى من عندة و بنتعلم اسكلات جديدة

https://2img.net/r/ihimizer/img503/7443/45170110ta1.png


الترقيات

1)فى لفل 15هيترقى ل Acher و هناخد لبس و هانتعلم الطيران

2)فى لفل 40 هيترقى ل Eagle Acher بس هايخد5احجار اسممه Euxenite Ores

و هيدينا نبله لفل 45 يونك 1 سوكت

3)فى لفل 70 هيترقى ل Tiger Archer بس هياخد مننا جوهرة اسمها Emerald

و هانتعلم اسكلين هما Senior Fly و Arrow Rain

4)فى لفل 100 هيترقى ل Dragon Archer بس هياخد Meteor و هايدينا

Rainbow Gem

5)فى لفل 110 هيترقى ل Archer Master بس هياخد Moon Box و هيدينا

Dragon Ball



Skills

https://2img.net/r/ihimizer/img86/3168/38670688zy4.png



1)Intensify ودى بتديه من 2 ل 3.5 ضربة اقوى من العادية

2)دى رقصة غير الرقصة العادية ملهاش لزمة للمنظرة بس

3)Rapid Fire دى ضربة سريعة و بتضرب كذا سهم و را بعض

4)Scatter و من احسن الاسكلات على الاطلاق دى بيضرب بيها كذا وحش

فى وقت واحد

5)Fly و دى اسكيل الطيران و مدتها حسب نوعها يعنى Senior Fly دى بتبقى

40 ثانية و Super Fly بتبقى 60 ثانية يعنى دقيقة


XP Skills

1)Elementary Fly و دى بتخليه يطير لمدة 40 ثانية

2)Arrow Rain و دى بتديله 100% damage






و بعد الريبورن الدفاع بيزيد بس قد ايه معرفش و هو دا كل الى

اعرفة عن الاشر و لو فى حاجة ناقصه يا ريت حد يقولها

و لو اى حد ليه اى استفسار انا تحت امرة

https://2img.net/r/ihimizer/img410/2098/goofgn8.gif

https://2img.net/r/ihimizer/img407/2804/yahiatitool6.gif


قام بكتابه ووضع هذا الموضوع

الاخ( yahiatito )

نرجو الدعاء له بالتوفيق فى المذاكرة
yahiatito
23-12-2007, 07:22 PM
سوف يتم وضع باقى الشخصيات فى هذا الموضوع بإذن الله

و عندما يكتب اى عضو موضوع عن باقى الشخصيات

نرحو كتابته هنا للتسهيل على باقى الاعضاء لرؤته

و خالص تحياتى و تقديرى لكم جميعا
elromance2006

مشكور يا مان بس فين الصور ؟